家長心聲
【Giuseppe 媽媽分享 - Fun Activity Book Series】
小朋友日日留係屋企真係好無聊,好悶,但又唔可以日日電視撈飯,所以我成日都不停搜尋好玩又學到野既野比仔仔!而今次比我搵到晶晶教育出版社既「Fun Activity Book Series」,一套有五本,每本有唔同主題!小朋友唔怕悶親又學到野又有得玩!
每本有唔同主題,分別有食物,季節,形狀,太空,英文字母和數字!
而我今次就買左兩食物同太空比仔仔玩!
一本已經多元化,有連線,貼貼紙,填顏色,拼圖,畫畫,迷宮,配對,找不同!訓練下小手肌,手眼協調!仲可以用QR code 聽下英文!提升英文能力!最特別,最驚喜的是......每本書都有一張圖畫卡紙,5本拼埋又另一幅圖畫,好有創意(稍後我會買埋另外3本)!
多野玩又有野學,岩曬小朋友!
Source: 媽媽假期 Mama Holiday in Hong Kong-Palermo
【彤彤昕昕媽媽分享 - Fun Activity Book Series】
【四月媽媽分享 - Fun Activity Book Series】
兩兄妹由返全日變做半日，多咗咁多時間，所以最近就多咗買書俾佢地消磨時間，當中呢套《Fun Activity Book Series》集英語故事與遊戲於一身，有得玩又可以學英文，仲可以訓練小朋友嘅思考能力同邏輯，非常推薦比大家！
本係專為2-5歲幼兒而設，當中包括5大生活主題：食物 (Food)丶季節 (Seasons)丶形狀 (Shapes)丶太空 (Space)丶英文字母和數字 (Letters & Numbers)。
【Hailiah媽媽分享 - Fun Activity Book Series】
停課不退步，愛上做功課
之前停課，日日都會諗同個女做乜
宜家終於等到有學返，不過既然keep住
有做練習就唔好俾佢停啦！加上Hailiah好鍾意做功課嫁
今次推介晶晶教育出版社嘅「Fun Activity Book Series」，佢係集英語故事與遊戲於一身嘅全新產品
首5大生活主題配合幼兒課程而編寫，包括食物，季節，形狀，太空，英文字母和數字。
專為2-5歲幼兒而設
✅小朋友可透過多元化遊戲，啟發孩子的邏輯思維和創造力。
✅輕輕鬆鬆學英語
✅簡單地學習範疇知識
當中有好多嘢玩，啱哂追求新鮮感嘅小朋友，打破沈悶死記嘅學習模式
- 多元化的趣味遊戲，包括連線、貼貼紙、填顏色、拼圖、畫畫、迷宮、配對、找不同等等
有得睇又有得聽，係家長嘅恩物，連長輩都一樣可以伴讀。
- 提升英語聽力和閱讀能力，每頁遊戲都設有英語故事音檔QR Code，方便聆聽或細閱文字版
為日後寫字奠下穩固嘅基礎，將來要寫字就可以得心應手啦！因為教寫字會教到嘔血
- 訓練小肌肉能力，小遊戲如貼貼紙、連線、做手工可以鍛煉手指的靈活性和手眼協調能力。
【獲得成功感】
每本遊戲書都附有一張圖畫卡紙，孩子可以剪下來並把5幅圖拼湊成一張大圖畫，在上面發揮填色的藝術和創造力，呢個作品就係小朋友嘅成果！活學活用!
Source: Hailiah媽媽爸爸Diary x 媽媽專欄
【肉丸朗之快樂日常分享 - 磁石遊戲】
2歲孩子家中情境對話練習 遊戲中訓練講完整句子大法
在家玩什麼? 立體動物園情境對話練習
2歲多的肉丸朗終於懂得講完整嘅句子
有一日，我記得佢指住張宣傳單張好開心大聲講：「我地有呢個。」
曾經懷疑佢語言發展遲緩的阿媽太感動了
不枉我平時透過睇書引導佢說話，例如問：你見到什麼？呢度有幾多個？佢哋係度做什麼？
早前帶左塊磁石玩具板回家，配合家中的動物figure ，啲人和動物行嚟行去，又係另一種新嘅玩法。
情境對話多左，說話能力自然提升
玩玩下小朋友不知不覺認得動物園和各種動物的中文名。肉丸朗可以幫不同動物放好告示牌，例如將象的中文磁石放入象柵、獅子放入獅子柵中⋯⋯
最重要，係可以玩好耐好耐
現在我和肉丸朗嘗試在動物園創作趣味故事：
分享一下其中的瘋狂無聊故事
有一天頑皮嘅小朋友爬進圍柵，想睇吓唔同動物的居所，點知差啲俾獅子食左，好彩媽媽奮不顧身入去救佢⋯⋯哈哈！
係屋企多咗時間，可以玩嘅嘢都多咗
記得搵個盒入好d磁石，我地走失左隻雞！
Source: 肉丸朗之快樂日常
【雪嵐寶寶成長記分享 - 親子共讀大圖書】
課題例如有：學校、家庭、交通、動物、季節、節日等，幫助小朋友透過書中嘅故事，認識到日常生活嘅事物，還可以藉書中人物，學習應有嘅待人處事態度和正向價值觀。
學習題材一共分為三級K1-K3共50本，除咗精美插圖同故事外，書入面仲有兒歌和好多機關，家長可以陪同小朋友邊睇、邊唱、邊玩，將學習融入喺玩樂之中。絕對係親子活動/時間嘅好工具！ So happy
Source: 雪嵐寶寶成長記
【雪嵐寶寶成長記分享 - Crystal Readers】
大主題，每個主題各
本，包括：顏色
、家庭
、季節
、音樂
、生活起居
等，每本書最後仲有10個重點生字幫助幼兒學習詞彙。
Source: 雪嵐寶寶成長記
【懶媽親子育兒記分享 - Fun with Dots】
視覺專注力同小手肌嘅連線遊戲！
而家疫情第四波，又要停課留喺屋企，懶媽最近就想幫哲哲訓練一下，視覺專注力同小手肌，原來連線遊戲係好有助小朋友嘅發展，首先係連點點，之後可以進階順序連數字，再進階可以利用唔同嘅點製作唔同嘅圖案。
哲哲而家兩歲，我買咗本啱佢年齡玩嘅Fun With Dots，呢本練習啲圖案好大個，色彩又繽紛，點與點之間嘅距離好近，啱晒哲哲，比較容易就可以連到。呢一本練習已經有兩個唔同嘅階段玩法，頭幾版會係色彩繽紛有埋圖案，後半部除咗連線之外，小朋友亦都可以發揮創意將圖案填色。
媽媽仲有另外一個玩法，因為練習上的點點比較大粒，可以喺點點上邊蓋上印章，訓練手眼協調，仲可以一路吸印，一路數數目字123。
連線遊戲其實亦都係學習寫字之前嘅好好嘅訓練。懶媽仲專登買咗啲粗頭嘅顏色筆，等小朋友畫嘅時候容易上色，呢款筆仲有特別之處，就係喺筆頭上面，會有不同圖案嘅印章，除咗可以用來畫畫之外，仲可以用印章嚟製作唔同嘅圖案，一物二用，非常方便好玩。
更多內容：https://mamibuy.com.hk/talk/article/93674
Source: 懶媽親子育兒記
【均媽與熙正媽媽分享 - 大圖書】
雖然而家多咗好多網上學習
但我同kelly都係鍾意睇圖書多一點
今次想推介 Crystal Readers (Big Books) 同 親子共讀大圖書比大家
✅Crystal Readers
以淺易英文同可愛有趣圖畫。為小朋友介紹唔同文化以及佢哋日常生活經常接觸嘅事。
係揭大圖書gei時候可以鍛煉到小朋友哋既小肌肉之餘，又可以增進親子共樂時間。
CRYSTAL READERS大書全套60本連6CD (可以分開每個系列甚至每本買)。共有幼兒6大主題，每個主題各10本。包括：顏色、家庭、季節、音樂、生活起居等，每本書最後仲有10個重點生字幫助幼兒學習詞彙。
✅親子共讀大圖書
內容圍繞幼兒日常生活會接觸到嘅題材。並配合幼稚園課程。
例如：學校、家庭、交通、動物、季節、節日等。小朋友透過書中嘅故事。認識日常生活嘅事物之餘。亦可以藉由書中人物。學習應有嘅態度同正向價值觀。
學習題材一共分為三級K1-K3共50本。除咗精美插圖同故事外。書入面仲有兒歌同設有好多機關。同kelly邊睇邊唱邊玩。將學習融入喺玩樂之中。
我會作為睡前故事。 kelly吸收得好好。到第二朝瞓醒佢仲記得我前一晚講過嘅內容呀
我覺得大圖書比以往gei圖書更令小朋友容易理解及吸收。 講起故仔上嚟 kelly都特別興奮㗎!
Source: 均媽與熙正媽媽
【BabyLau媽媽分享 - Fun with Dots】
其實過早執筆寫字對幼兒來說是不合理的要求‼️他們會容易疲倦，從而失去學習的興趣，更重要是小手肌還在發展，萬一處理不當便會弄傷。
對學前幼兒來說，透過多感官活動，訓練前三指靈活、指力及手眼協調～循序漸進訓練好小肌肉能力，已為日後寫字奠下基礎。
劉b偏好靜態活動，對藝術有興趣，之前準備了art cart ，讓他隨時創作，自我表達～今次準備了晶晶教育出版社的Fun with Dots，讓劉b學習「點點連線」去完成圖畫????，圖畫中附有粗圓點，而點與點間的距離很短，為了讓劉b更容易掌握，我分了兩個程度。
1️⃣ 先運用圓點筆印在粗圓點：筆杆比較粗，孩子容易掌握。
2️⃣ 給予蠟筆：筆杆較幼，畫得東歪西倒是正常吧，至少我看得出他盡力把圓點連繫起來。
手眼協調及小手肌能力逐漸提升，就是日後寫字的基礎。
Source: BabyLau Daily～劉B日常
【懶媽親子育兒記分享 - 磁石遊戲】
有冇諗過將個動物園帶返屋企？懶媽見到有呢個磁石玩具套裝，真係好吸引，佢模擬咗一個動物園嘅場景，套裝裡面有40幾個嘅磁石動物/人物，小朋友可以將不同嘅動物，放係相應嘅地點，或者隨意擺放，創作出不同嘅情景/故事！
除咗有不唔同嘅磁石動物圖案，仲有不同嘅磁石人物圖案，小朋友可以隨意代入角色，與動物互動。而令懶媽surprise嘅地方喺，有相關動物名稱嘅文字磁石，可以從遊戲中慢慢滲透認字嘅元素！
另外，磁石嘅質量非常好，厚度適中，小朋友容易拎上手，磁力足夠，亦都容易撕貼。
主板遊戲版有兩面主題，一面係陸地動物園，有獅子、老虎、長頸鹿、袋鼠、馬騮、大象、斑馬等，另一面喺以湖邊做背景，可以放置唔同嘅鴨、鵝、烏龜、金魚、雞等等嘅動物。
懶媽同哲哲嘅玩法：
初階版✴️： 請小朋友幫忙取出動物，將動物放到相應嘅地點，然後與小朋友一起觀察動物和屋住地嘅細節。
#小手肌 #學習觀察 #分類 #了解動物
進階版✴️： 將動物放出圈養嘅地方，一起創作有趣嘅故事。例如： 獅子出走了，遇見猴子，猴子一點也不害怕，反而坐在獅子背上吃香蕉????……
#創作力 #組織能力 #表達能力
磁石遊戲套裝除咗懶媽呢款，仲有以春、夏、秋、冬、認識自己、學校、交通等主題！
更多內容: https://mamibuy.com.hk/talk/article/92778
Source: 懶媽親子育兒記
【BabyLau媽媽分享 - 幼兒10大主題海報】
打造學習氛圍，善用家中的牆壁!
由於疫情在家時間大增，外出學習機會及刺激減少。為了營造在家學習氛圍，也保留一下家中設計感，媽媽一直搜尋美觀又內容實用的學習海報。
「牆壁教學」可以讓孩子潛移默化吸收了知識，路過又看一看，沒有刻意的操練最近入手的是來自 晶晶教育出版社A2 Size學習海報，一套10款涵蓋幼兒必學概念，包括：英文字母、數字、顏色、圖形等等，部分海報背面還附上工作紙，相當實用‼️ 定期更換，增加新鮮感，最適合貪新厭舊的寶寶！
小孩就是有能力把東西賦予新的玩法，劉b自創玩法自動地把相同顏色的玩具放在海報上，所以每個小孩的潛力都不能小覷。
Source: BabyLau Daily～劉B日常
【肉丸朗之快樂日常分享 - 幼兒10大主題海報】
你屋企係咪貼滿poster呢？ABC 點都有一張啦～
你係咪覺得孩子日對夜對就會吸收到上面的知識⁉️
但點樣吸引佢哋的注意力呢？
我有定期更換poster的習慣。
而且會有更多延伸的玩法，這才是遊戲中學習的重點呀！
✅實物與poster的對比
例如：食物的poster＝食物的切切樂玩具出來比拼。
唔知點解肉丸朗搵到Poster上面有他揸住的食物他會覺得好開心，呢個小遊戲亦訓練他的偵測能力。
✅由於我成日更換poster，所以好多poster係多咗出嚟嘅。
Poster放喺地下，肉丸朗會喺上面行嚟行去近距離咁觀察，很集中的研究上面的圖案和文字啊！
有時換個方式就能瞬間提高小朋友學習興趣 (小朋友好貪新鮮)
✅Poster前邊扮演學生遊戲
肉丸朗就會變成小老師 我會不斷問佢這是什麼啊？
（請記住！你一定要揀啲佢識答的東西！）
佢為咗之後的成功感，就會牢牢記住之後你教他的新知識。
其實一張poster玩法仲有好多㗎
將啲poster剪碎做拼圖
又可以大階英文字母的poster上邊再加上細階英文字母的配對
都係果句，玩法千變萬化。
Source: 肉丸朗之快樂日常
【懶媽親子育兒記分享 - 親子共讀大圖書】
好多媽媽都問，如果唔返學，想喺屋企教小朋友睇咩圖書好？我就會推介睇這類幼稚園用嘅大圖書，圖書功能多元化，提供教學方向，家長容易引導小朋友學習。
圖書本身好大本，好吸引到小朋友睇，一開頭幾頁會有好多唔同嘅資訊比到父母，究竟透過呢本書可以學習到啲乜嘢? 圖書中訂立了不同多元智能發展目標，例如語言、音樂、數學邏輯、空間、身體動作、內省、人際、自然觀察技能訓練等⋯⋯
點樣透過呢本書教小朋友? 書中主要圍繞1個主題學習大綱，再分類到幾個不同細嘅主題，小朋友讀起上嚟，就比較容易了解，亦有一個列表，提出基本能力的發展或者係態度嘅培養，涵蓋知識嘅內容例如有語文、數學、體能、科技、藝術等⋯⋯
圖書仲有好多唔同嘅活動機關，不同嘅情節，亦都會有其他不同引發延伸嘅思考，除咗睇故事之外，仲可以有唔同嘅討論同探究，更加引發小朋友嘅想像力同思考邏輯。
其次亦都有相關嘅兒歌配搭，但係我冇配到點讀筆，唔係好知道啲兒歌點唱, 所以我自己作咗啲旋律。????當中仲會有一些小活動或者小實驗，跟住指引睇，真係一本書可以睇好耐，又有好多唔同延伸嘅題目，好抵買!
更多內容: https://mamibuy.com.hk/talk/article/91021
Source: 懶媽親子育兒記
【Hailiah媽媽分享 - 親子共讀大圖書】
純分享【親子共讀成為習慣】晶晶教育出版社嘅 親子共讀大圖書 係一個幾好嘅選擇!
之前每日Hailiah都係玩、食、訓
自從踏入8月 媽媽開始set咗時間表
開頭我要佢認真學習死記硬背
但我都唔想虎媽上身
同埋我發現佢都係唔受呢套!
其實媽媽我都係開始學習做你嘅老師
講真丫有邊個媽媽一岀世就識教人嫁
做媽媽都係不停探索先得到結論
所以最近學習形式改變咗
玩吓貼紙書增強認知
玩吓配對遊戲訓練記憶力
睇吓flash card
同埋睇書好緊要，無論咩書我哋都會睇
佢最近就最鍾意 晶晶親子共讀大圖書
發現小朋友對大本書特別有興趣
而且入面有得揭吓啲隱藏內容
同埋呢系列嘅書啱K1-K3睇
親子共讀嘅好處就係一齊參與
所以我會邀請佢同我一齊揭書來增加投入性！
我哋嘅晶晶圖書有：
K1幼兒班 - 上學去
K1幼兒班 - 我長大了
K1幼兒班 - 交通
K2低班 - 幫助我們的人
K3高班 - 我愛吃有益的食物
書嘅內容係中文，簡單易明
主題都係生活化，同埋當中會有啲
真實嘅圖片同問題，所以當教材係一流
親子共讀大圖書內容圍繞幼兒日常生活會接觸到嘅題材編寫，並配合幼稚園課程使用，例如：學校、家庭、交通、動物、季節、節日等而我特別鍾意就係佢係大型書本
令小朋友更加有興趣閱讀同加深記憶
本書有啲似幼稚園教科書
所以媽媽要教小朋友都好易入手！
Hailiah 同我共讀一星期
發現佢最鍾意《我長大了》
因為書本會透過故事解釋由bb到大個嘅分別
佢覺得自己係大姐姐
更有信心做到成就解鎖
潛移默化係有用嫁！
一星期嘅轉變可以好大
我就聽到Hailiah 多咗講
「我自己黎、我自己做或者我幫忙」
同埋 知道就黎返學
睇 《上學去》 更加俾到一個心理預備佢
同埋知道自己返學好開心嫁
而 《交通》 同 《幫助我們的人》
係俾佢了解社會上的認知和職業
而 《我愛吃有益的食物》 係俾佢知道邊啲係有益同埋邊啲係垃圾食物，點解要食同唔可以食嘅分別
你睇吓佢見到個蛋糕個樣就知佢有幾鍾意啦！
=========================
❤️活動設計主要係將語言、科學、數學概念、音樂、美術等內容整合成一體。
❤️詳列學習範疇涵蓋內容
❤️多元智能發展目標
❤️配合精美的圖畫
❤️琅琅上口的兒歌
❤️真實的圖片
❤️具啟發性的問題
❤️旋律節奏輕快的歌曲
❤️以及啟發創造力的教具
Source: Hailiah媽媽爸爸Diary x 媽媽專欄
【Carter & Keyon媽媽分享 - Crystal Readers Big Books】
Reading develops vocabulary, increases attention span, and promotes stronger analytical thinking (and when you're at home, a great way to pass the time!) Crystal Readers introduces many interesting topics about our life and our world to children. The books use simple English and vivid illustrations to present content that is exciting for kids. Books are age/level appropriate and use simple language and repeated sentence patterns to help children learn and remember more effectively. The big book series comes with 60 colorful books (10 per each theme) for you to read along with your child and a CD for them to read alone. Let's dive into a reading adventure today!
Source: Carter & Keyon
【Annie媽媽分享 - 親子共讀大圖書】
之前同大家分享過大書的好處，係可以俾小朋友揭書的時候鍛煉到小肌肉，夠大本仲可以親子共讀，所以Aidan對大書特別感興趣，覺得好似係幼稚園番學時老師同佢哋講故事咁，特別有親切感，所以安妮媽媽又入手另一套大圖書，今次主要係節日和日常生活。
這套大圖書內容真係好豐富，而且圖畫好精美，有實景圖又有可愛的插圖，真實的圖像可以加深小朋友的印象，每個章節都有具啟發性的問題，可以俾家長問小朋友，睇下小朋友是否有留意書中細節。
仲有小朋友熟悉的兒歌都好吸引呀！書中的內頁也充滿互動性，可以俾小朋友揭開，增加趣味。我覺得這套書可以俾到幼兒有基礎的認知和簡單技能，激發學習的興趣，也可以培養基本常識，認識社區的景物，十分多元化！
Source: Anniemamadiary
【Annie媽媽分享 - 大書是親子共讀的好夥伴】
而家每日都要乖乖留係屋企，又唔知幾時先可以正式復課，小朋友的學習都要由家長們負責，所以我都幫哥哥物色左一些簡單的英文教材，等佢可以係屋企都能輕鬆學習英文。
我係晶晶教育出版社網上訂購左一套CrystalReaders大書，呢套書係教授小朋友的常用英文生詞和句子，書中會不停重複重點的生詞，可以令小朋友加深印象。
我最鍾意書中的圖片夠大，圖像清晰可愛，又會有實物圖，令小朋友睇得輕鬆舒服。而且全書最後面會有個小總結，等家長可以同小朋友再重溫內容，也會有齊書中的英文生詞，俾小朋友對生詞有初步的認識。
Aidan對呢套書好感興趣，因為夠哂大本，佢最鍾意喺遊戲墊放哂d大書出嚟慢慢睇，我哋又會重複地讀俾佢聽，輕輕鬆鬆就可以學到簡單的英文。
Crystal Readers大書全套有60本，幼兒6大系列，每個主題各10本，包括：顏色、家庭、季節、音樂、生活起居等，全部都有精美的構圖，仲會有CD送。
點解我今次會揀大書？因為大書的好處可以俾小朋友揭書的時候鍛煉到小肌肉，夠大本仲可以親子共讀，Aidan好開心可以同爸爸媽媽一齊拎住本書睇呢！
Source: Anniemamadiary